Querido visitante, querida visitante, A miña páxina é a túa páxina. Por favor, síntete como na túa casa.

O 2024 foi moi produtivo. En abril publiquei Benita y Malva y el crímen del crítico gastronómico, co que quedara finalista do premio Ala Delta (Editorial Edelvives e Editorial Tambre) e, xunto a Dani Padrón, o álbum ilustrado Analfabeta (Edicións Xerais). Un meses despois, en outubro gañei o Premio Raíña Lupa co texto Esta é a miña historia e terás que crela e quedei de finalista co O Peculiar. Ambos libros sairán publicados neste 2025.

Ademais tiven tempo para sentar e escribir. Hai uns meses rematei unha novela de humor absurdo (e centos de ovellas), outra un chisco gótica para lectores middle-age e, por último, unha sobre pantasmas na procura de comodidades.

Deime vacacións, pero son moi mala xefa e remoio dúas ideas, ambas para un público adulto; quizais unha vindeira novela e a biblia dunha serie de ficción. Ai, debería descansar (e recoller a casa).